રેલવે ગ્રુપ ડી (Level-1) ભરતી 2026: સંપૂર્ણ માહિતી અને ફોર્મ ભરવાની વિગત
નમસ્કાર મિત્રો! રેલવે ભરતી બોર્ડ (RRB) દ્વારા વર્ષ 2026 ની સૌથી મોટી ભરતી પૈકીની એક CEN No. 09/2025 ની સત્તાવાર જાહેરાત કરી દેવામાં આવી છે. આ ભરતીમાં વિવિધ રેલવે ઝોન હેઠળ Level-1 (Group D) ની પોસ્ટ માટે અરજીઓ મંગાવવામાં આવી છે. જો તમે પણ સરકારી નોકરીની તૈયારી કરી રહ્યા હોવ, તો આ લેખમાં તમને લાયકાતથી લઈને પરીક્ષા પદ્ધતિ સુધીની તમામ વિગતો ગુજરાતીમાં મળશે.
1. મહત્વની તારીખો (Important Dates)
અરજી કરવાની પ્રક્રિયા ઓનલાઈન રહેશે. ખાસ નોંધજો કે છેલ્લી ઘડીએ વેબસાઈટ પર ટ્રાફિક વધી જાય છે, તેથી વહેલી તકે ફોર્મ ભરી દેવું હિતાવહ છે.
- ઓનલાઈન અરજીની શરૂઆત: 31 જાન્યુઆરી, 2026
- અરજી કરવાની અંતિમ તારીખ: 2 માર્ચ, 2026 (રાત્રે 23:59 સુધી)
- ફી ભરવાની છેલ્લી તારીખ: 4 માર્ચ, 2026
- ભૂલ સુધારણા (Modification Window): 5 માર્ચ થી 14 માર્ચ, 2026 સુધી.
2. શૈક્ષણિક લાયકાત અને વય મર્યાદા (Eligibility)
- લાયકાત: ઉમેદવાર 10 પાસ (SSC) અથવા ITI (NCVT/SCVT) અથવા નેશનલ એપ્રેન્ટિસશિપ સર્ટિફિકેટ (NAC) ધરાવતા હોવા જોઈએ. જે ઉમેદવારોનું પરિણામ હજુ આવવાનું બાકી છે તેઓ અરજી કરી શકશે નહીં.
- ઉંમર (Age Limit): 01.01.2026 ના રોજ ઉમેદવારની ઉંમર 18 થી 33 વર્ષ ની વચ્ચે હોવી જોઈએ.
- OBC (Non-Creamy Layer): 3 વર્ષની છૂટ
- SC/ST: 5 વર્ષની છૂટ
- PwBD (General): 10 વર્ષની છૂટ.
3. પરીક્ષા ફી (Exam Fee)
- General / OBC / EWS: ₹500 (CBT પરીક્ષામાં હાજર રહેનારને ₹400 પરત મળશે).
- SC / ST / મહિલા / માજી સૈનિક / લઘુમતી / EBC: ₹250 (CBT પરીક્ષા આપ્યા બાદ સંપૂર્ણ ₹250 પરત મળશે).
- નોંધ: ફી ફક્ત ઓનલાઈન મોડ (Net Banking, Card, UPI) થી જ સ્વીકારવામાં આવશે.
4. પસંદગી પ્રક્રિયા (Selection Process)
ભરતી પ્રક્રિયા કુલ ચાર મુખ્ય તબક્કામાં વહેંચાયેલી છે:
- Computer Based Test (CBT): ઓનલાઈન પરીક્ષા.
- Physical Efficiency Test (PET): શારીરિક ક્ષમતાની કસોટી (માત્ર CBT પાસ કરનાર માટે).
- Document Verification (DV): અસલ દસ્તાવેજોની ચકાસણી.
- Medical Examination (ME): રેલવે દ્વારા નક્કી કરાયેલ મેડિકલ સ્ટાન્ડર્ડ મુજબ તપાસ.
5. પરીક્ષા પદ્ધતિ અને સિલેબસ (CBT Exam Pattern)
કુલ 100 પ્રશ્નો માટે 90 મિનિટનો સમય આપવામાં આવશે (PwBD ઉમેદવારો માટે 120 મિનિટ).
| વિષય | પ્રશ્નો |
| સામાન્ય વિજ્ઞાન (General Science) | 25 |
| ગણિત (Mathematics) | 25 |
| રીઝનીંગ (General Intelligence & Reasoning) | 30 |
| સામાન્ય જ્ઞાન અને કરંટ અફેર્સ (General Awareness) | 20 |
નેગેટિવ માર્કિંગ: ખાસ યાદ રાખવું કે દરેક ખોટા જવાબ પર 1/3 માર્ક કાપવામાં આવશે.
6. શારીરિક ક્ષમતા કસોટી (PET) ની વિગતો
- પુરુષ ઉમેદવારો માટે:
- 35 કિલો વજન ઉપાડીને 100 મીટરનું અંતર 2 મિનિટમાં એક જ ટ્રાયમાં પૂરું કરવું.
- 1000 મીટર (1 કિમી) ની દોડ 4 મિનિટ 15 સેકન્ડમાં પૂરી કરવી.
- મહિલા ઉમેદવારો માટે:
- 20 કિલો વજન ઉપાડીને 100 મીટરનું અંતર 2 મિનિટમાં પૂરું કરવું.
- 1000 મીટર (1 કિમી) ની દોડ 5 મિનિટ 40 સેકન્ડમાં પૂરી કરવી.
7. કેવી રીતે અરજી કરવી? (How to Apply)
- સૌ પ્રથમ RRB ની સત્તાવાર વેબસાઈટ (દા.ત. www.rrbahmedabad.gov.in) પર જાઓ.
- ‘Create an Account’ પર જઈને નોંધણી કરો. આ માટે આધાર કાર્ડ અથવા ડિઝીલોકરનો ઉપયોગ કરવાની સલાહ આપવામાં આવે છે.
- તમારો લાઈવ ફોટો (Live Photo Capture) સિસ્ટમ દ્વારા લેવામાં આવશે, જે માટે સફેદ વગરના ઘાટા રંગના કપડાં પહેરવા.
- તમારી સહી (Signature) કાળી શાહીથી સફેદ કાગળ પર કરીને અપલોડ કરવી.
- વિગતો ભરી ફી ચૂકવીને એપ્લિકેશન પ્રિન્ટ કરી લેવી.
ખાસ સૂચના: RRB ક્યારેય પણ કોઈ એજન્ટ કે કોચિંગ સેન્ટર દ્વારા નોકરી અપાવવાની ખાતરી આપતું નથી. પસંદગી માત્ર મેરિટના આધારે જ થાય છે, તેથી છેતરાતા નહીં.
વધુ માહિતી માટે અથવા ફોર્મ ભરવામાં સહાયતા માટે તમે અમારી ઓફિસ ‘પાર્થ ડિજિટલ – બોટાદ’ નો સંપર્ક કરી શકો છો.